«Real» bosh murabbiyi Joze Mourinyo Ispaniya terma jamoasi bilan U19 Yevropa chempionligini qo‘lga kiritgan iste’dodli yarim himoyachi Tiago Pitarch asosiy jamoa rejalarida muhim o‘rin tutishini ta’kidladi.
«Menga yoqmaydigan birorta ham «Kastilya» futbolchisi yo‘q. Tiago esa «Kastilya» darajasi unga endi torlik qilayotganini ko‘rsatdi. U menga juda yoqadi. U 21 futbolchidan iborat asosiy guruhimizning bir qismi», — dedi portugaliyalik mutaxassis.
«U to‘liq tayyor bo‘lganida jamoa bilan birga bo‘ladi va o‘yin amaliyotiga ham ega bo‘ladi. Men unga doim oyoq mushaklari meniki bilan bir xil ekanini aytaman. U qattiq mehnat qilib, yana bir-ikki kilogramm vazn qo‘shishi kerak», — deya qo‘shimcha qildi Mourinyo.
