«Milan» yarim himoyachisi Samuele Richchi «Komo»ga o‘tdi.

Chempionlar ligasida ilk bor ishtirok etadigan klub 25 yoshli yarim himoyachini sotib olish huquqi bilan bir mavsumga ijaraga oldi.

Janluka Di Marsio ma’lumotiga ko‘ra, «rossonerilar» Samuele Richchining ijarasi uchun 1,5 million yevro oladi. Shuningdek, mavsum yakunida «Komo» yevrokuboklarga yo‘l olgan taqdirda, bitimda bonuslar ham ko‘zda tutilgan. Futbolchini sotib olish opsiyasi 22 million yevroni tashkil etadi.

Richchi «Torino»dan 23+1,5 million yevro evaziga transfer qilinganidan so‘ng «Milan»da bir mavsum o‘tkazdi. Tayanch yarim himoyachi A Seriyadagi 31 ta o‘yinda 1 ta gol urdi, 4 ta golli uzatma amalga oshirdi va 3 ta sariq kartochka oldi.