Biroz oldin Bundesliganing 1-turida «Union» o‘z maydonida «Ayntraxt»ni qabul qildi. Sermahsul kechgan uchrashuvda jamoalar 3:3 hisobida durang o‘ynadi.

«Union» 3-daqiqadayoq hisobni ochdi. Yosip Yuranovichning uzatmasidan so‘ng Emmanuel Latte Lat to‘pni darvozaga joyladi. Biroq «Ayntraxt» tezda javob qaytardi. Yunes Ebnutalib ikki daqiqa ichida dubl qayd etib, jamoasini oldinga olib chiqdi.

67-daqiqada Ebnutalib o‘zining uchinchi golini urib, xet-trikka erishdi. 79-daqiqada Leopold Kverfeldning bosh bilan yo‘llagan zarbasi «Union»ga farqni bitta golgacha qisqartirish imkonini berdi.

Mezbonlar mag‘lubiyatdan qutulish uchun so‘nggi daqiqalarda bor kuchini ishga soldi va qo‘shimcha vaqtning 2-daqiqasida Tim Skarke hisobni tenglashtirdi. Shu tariqa, «Union» irodali harakatlari evaziga bir ochkoni saqlab qoldi.