«Barselona» «Arsenal» hujumchisi Gabriel Jezus transferi uchun kurashga qo‘shildi.
Mundo Deportivo ma’lumotiga ko‘ra, kataloniyaliklar 29 yoshli braziliyalik futbolchining ehtimoliy transferi bo‘yicha muzokaralar o‘tkazgan.
«Barselona»ning asosiy maqsadi uzoq vaqt davomida Xulian Alvares bo‘lib kelgan. Biroq «Atletiko» argentinalik hujumchini kataloniyaliklarga sotish bo‘yicha muzokara olib borishni istamayapti.
Gabriel Jezus 2022 yil yozidan buyon «Arsenal» sharafini himoya qilib kelmoqda. Uning London klubi bilan amaldagi shartnomasi 2027 yil yoziga qadar mo‘ljallangan.
«Arsenal» transfer oynasi yopilishidan oldin forvard bilan xayrlashishga tayyor ekani aytilmoqda. Avvalroq Jezusga «Napoli» ham qiziqish bildirgan edi.
