"Yuventus" "Lion"ning chap qanot himoyachisi Nikolas Talyafikoni o‘z safiga qo‘shib olish imkoniyatini ko‘rib chiqmoqda. Bu haqda Sky Sports xabar berdi.

Turin klubi transfer oynasining so‘nggi soatlarida himoya chizig‘ini kuchaytirishni rejalashtirgan. Biroq avvalo "Yuventus" Xuan Kabal masalasini hal qilishi kerak. Kolumbiyalik futbolchiga "Atalanta" qiziqish bildirmoqda.

33 yoshli Talyafiko yuqori saviyada katta tajribaga ega. Argentinalik futbolchi faoliyati davomida "Ayaks", "Banfild", "Independyente" va "Mursiya" klublarida ham to‘p surgan.

Talyafiko Argentina terma jamoasi safida 2022 yilgi Jahon chempionati g‘olibi bo‘lgan.

Transfermarkt portali uning bozor qiymatini 4 million yevroga baholamoqda.