«Yuventus» yaqin vaqt ichida hujumchi Jonatan Devid bilan xayrlashishi mumkin. Kanadalik futbolchiga Madridning «Atletiko» klubi qiziqish bildirmoqda va allaqachon rasmiy taklif yuborgan.
Jurnalist Janluka Di Marsio ma’lumotiga ko‘ra, «keksa sinyora» Joshua Zirkzee vakillari bilan aloqani davom ettirmoqda. «Manchester Yunayted» hujumchisi Devidga o‘rinbosar sifatida ustuvor nomzod sifatida qaralmoqda. Niderlandiyalik futbolchiga «Fiorentina» ham da’vogarlik qilmoqda.
Transfermarkt bahosiga ko‘ra, Joshua Zirkzeening qiymati 20 million yevroni tashkil etadi. 25 yoshli futbolchi Angliya Premyer-ligasining yangi mavsumida «qizil iblislar»ning har ikki uchrashuvida ham zaxirada qoldi.
