«Napoli» bosh murabbiyi Massimiliano Allegri «Komo»dan 1:2 hisobidagi mag‘lubiyatni izohladi. Uchrashuv A Seriyaning ikkinchi turi doirasida bo‘lib o‘tdi.
«Biz shuni tushunishimiz kerakki, agar gol o‘tkazib yuborsak, demak raqib kuchliroq bo‘lgan. Buni qabul qilishimiz kerak. Eng yoqimsiz holat birinchi bo‘lim tugashiga 20 soniya qolganda sodir bo‘ldi, o‘shanda biz yana tavakkal qildik. Bunday vaziyatlar ustida albatta ishlashimiz kerak.
Men salbiy jihatlar haqida gapiryapman, chunki aynan ularni to‘g‘rilashimiz kerak. Ammo ijobiy tomonlar ham ko‘p bo‘ldi. Biz bir nechta xavfli vaziyatlar yaratdik, ikkinchi bo‘limda esa raqibni o‘z yarim maydoniga qamab qo‘ydik.
Yigitlar o‘yin 90 daqiqa davom etishini tushunib olishlari kerak. Uchrashuv oxirigacha sabr va xotirjamlikni saqlash zarur. Ular kuchli jamoa ekanimizni anglashlari kerak, ammo o‘yinning ayrim qismlarini yaxshilashimiz shart», — deya Allegrining so‘zlarini Il Napolista keltiradi.
«Napoli» 3 ochko bilan 12-o‘rinda bormoqda.
