«Lill» «Feyenoord» hujumchisi Ayase Uedaning transferi bo‘yicha hujjatlarni almashdi va kelishuvni yakunladi. Bu haqda insayder Fabrisio Romano xabar berdi.

Manbaga ko‘ra, 28 yoshli yaponiyalik futbolchining transferi 15 million yevroni tashkil qiladi. Tibbiy ko‘rik 31 avgust, dushanba kuniga rejalashtirilgan.

Ueda 2023 yil avgustidan buyon niderlandiyalik klubda o‘ynab kelayotgan edi. Uning «Feyenoord» bilan shartnomasi 2028 yil 30 iyunga qadar amal qiladi.

2025/26 yilgi mavsumda futbolchi 40 ta o‘yinda 26 ta gol urdi va 1 ta golli uzatmani amalga oshirdi.

Transfermarkt Yaponiya terma jamoasi futbolchisining transfer qiymatini 20 million yevro deb baholamoqda.