«Лилль» «Фейеноорд» ҳужумчиси Аясе Уэданинг трансфери бўйича ҳужжатларни алмашди ва келишувни якунлади. Бу ҳақда инсайдер Фабрицио Романо хабар берди.
Манбага кўра, 28 ёшли япониялик футболчининг трансфери 15 миллион еврони ташкил қилади. Тиббий кўрик 31 август, душанба кунига режалаштирилган.
Уэда 2023 йил августидан буён нидерландиялик клубда ўйнаб келаётган эди. Унинг «Фейеноорд» билан шартномаси 2028 йил 30 июнга қадар амал қилади.
2025/26 йилги мавсумда футболчи 40 та ўйинда 26 та гол урди ва 1 та голли узатмани амалга оширди.
Transfermarkt Япония терма жамоаси футболчисининг трансфер қийматини 20 миллион евро деб баҳоламоқда.
