Madridning «Real» klubi darvozaboni Tibo Kurtua «Malaga»ga qarshi Ispaniya La Ligasining navbatdagi tur uchrashuvidagi 4:0 hisobidagi g‘alabadan so‘ng jamoasining o‘yin uslubi haqida fikr bildirdi.
«Biz aynan shunday uslubda o‘ynashni istaymiz: yuqori sur’atda harakat qilish, to‘pni nazorat qilish va uni yo‘qotganimizdan so‘ng darhol pressing qo‘llash.
Agar barcha uchrashuvlarda shu yondashuvga amal qila olsak, bizni ajoyib mavsum kutadi, deb o‘ylayman. Shuning uchun har bir futbolchi 90 daqiqa davomida bor kuchini berishi muhim. Shuningdek, jarohatlarsiz mavsum o‘tkazishimizga umid qilaman — eng muhimi shu», — deya Kurtuaning so‘zlarini Madrid Universal keltirmoqda.
