«Kristal Pelas»ning qanot hujumchisi Ismaila Sarr transfer oynasining so‘nggi kunlarida ham «Liverpul»ning asosiy maqsadlaridan biri bo‘lib qolmoqda. Bu haqda insayder Fabrisio Romano xabar berdi.
Manba ma’lumotiga ko‘ra, mersisaydliklar 28 yoshli futbolchini yaqin vaqt ichida «Manchester Siti»ga o‘tishi kutilayotgan Kodi Gakponing o‘rniga tarkibga qo‘shib olmoqchi.
Qayd etilishicha, avvalroq «burgutlar» «Liverpul»ning Sarr bo‘yicha taklifini rad etgan. Biroq ayni paytda klublar o‘rtasidagi muzokaralar davom etmoqda. Vingerning o‘zi esa «Enfild»ga ko‘chib o‘tishni istamoqda.
Yangi mavsumda senegallik futbolchi hali biror marta maydonga tushmadi. Transfermarkt ma’lumotiga ko‘ra, uning bozor qiymati 45 million yevroni tashkil etadi.
