«Кристал Пэлас»нинг қанот ҳужумчиси Исмаила Сарр трансфер ойнасининг сўнгги кунларида ҳам «Ливерпуль»нинг асосий мақсадларидан бири бўлиб қолмоқда. Бу ҳақда инсайдер Фабрицио Романо хабар берди.

Манба маълумотига кўра, мерсисайдликлар 28 ёшли футболчини яқин вақт ичида «Манчестер Сити»га ўтиши кутилаётган Коди Гакпонинг ўрнига таркибга қўшиб олмоқчи.

Қайд этилишича, аввалроқ «бургутлар» «Ливерпуль»нинг Сарр бўйича таклифини рад этган. Бироқ айни пайтда клублар ўртасидаги музокаралар давом этмоқда. Вингернинг ўзи эса «Энфилд»га кўчиб ўтишни истамоқда.

Янги мавсумда сенегаллик футболчи ҳали бирор марта майдонга тушмади. Transfermarkt маълумотига кўра, унинг бозор қиймати 45 миллион еврони ташкил этади.