24 yoshli argentinalik yarim himoyachi Esekyel Sebalyos «Boka Xuniors»ni tark etib, faoliyatini Italiya chempionatida davom ettiradi.

Insayder Fabrisio Romano ma’lumotiga ko‘ra, vingerning yangi jamoasi «Monsa» bo‘ladi. Italiya klubi futbolchining transferi bo‘yicha kelishuvga erishgan. «Monsa» Sebalyos uchun 4 million yevro to‘laydi.

Yaqin vaqt ichida Esekyel tibbiy ko‘rikdan o‘tadi va shundan so‘ng yangi klubi bilan shartnoma imzolaydi.

A Seriyaning yangi mavsumida dastlabki ikki turdan so‘ng «Monsa» hali ochko jamg‘argani yo‘q. Jamoa turnir jadvalida so‘nggidan bitta oldingi o‘rinni egallab turibdi.

«Monsa» keyingi uchrashuvini 6 sentyabr, yakshanba kuni safarda «Parma»ga qarshi o‘tkazadi.