24 ёшли аргентиналик ярим ҳимоячи Эсекьель Себальос «Бока Хуниорс»ни тарк этиб, фаолиятини Италия чемпионатида давом эттиради.
Инсайдер Фабрицио Романо маълумотига кўра, вингернинг янги жамоаси «Монца» бўлади. Италия клуби футболчининг трансфери бўйича келишувга эришган. «Монца» Себальос учун 4 миллион евро тўлайди.
Яқин вақт ичида Эсекьель тиббий кўрикдан ўтади ва шундан сўнг янги клуби билан шартнома имзолайди.
А Сериянинг янги мавсумида дастлабки икки турдан сўнг «Монца» ҳали очко жамғаргани йўқ. Жамоа турнир жадвалида сўнггидан битта олдинги ўринни эгаллаб турибди.
«Монца» кейинги учрашувини 6 сентябрь, якшанба куни сафарда «Парма»га қарши ўтказади.
