«Inter Mayami» hujumchisi Lionel Messi Argentina milliy terma jamoasidagi faoliyatini yakunlash haqidagi qarorini tushuntirdi.

«Jahon chempionati finalidan buyon ancha vaqt o‘tdi. Uzoq o‘ylanib, barchangizga shuni ma’lum qilmoqchimanki, milliy terma jamoadagi faoliyatimni yakunlayman.

Bu qaror menga og‘ir botdi va hali ham og‘riqli. Ammo hozir buning uchun eng munosib vaqt ekanini tushunyapman.

Qasam ichamanki, men doimo bor kuchimni berdim. Nafaqat so‘nggi yillarda, biz barcha sovrinlarni qo‘lga kiritgan davrda, balki undan oldin ham. Men har doim shu libos uchun kurashdim, Argentina terma jamoasi bilan sizlarga quvonch ulashish va futbol orqali argentinalik ekaningizdan faxrlanishingizga sabab bo‘lish uchun bor kuchimni sarfladim.

Juda oz vaqt qoldi. Ayrim boblar yakuniga yetmoqda va bu bobni yopish men uchun juda og‘riqli. Men milliy terma jamoada o‘tkazgan vaqtimni sevdim va doimo sevib qolaman. Bor kuchimni berdim. Endi beradigan boshqa narsam qolmadi. Qolaversa, ortimdan terma jamoa safida o‘ynashga munosib bo‘lgan ajoyib yosh futbolchilar yetishib kelmoqda.

So‘nggi 20 yil davomida menga bergan mehringiz uchun rahmat. Buni juda sog‘inaman.

Argentinalik bo‘lib tug‘ilganim uchun Xudoga shukr qilaman. Olg‘a, Argentina!», — deb yozdi Messi.