«Интер Майами» ҳужумчиси Лионель Месси Аргентина миллий терма жамоасидаги фаолиятини якунлаш ҳақидаги қарорини тушунтирди.

«Жаҳон чемпионати финалидан буён анча вақт ўтди. Узоқ ўйланиб, барчангизга шуни маълум қилмоқчиманки, миллий терма жамоадаги фаолиятимни якунлайман.

Бу қарор менга оғир ботди ва ҳали ҳам оғриқли. Аммо ҳозир бунинг учун энг муносиб вақт эканини тушуняпман.

Қасам ичаманки, мен доимо бор кучимни бердим. Нафақат сўнгги йилларда, биз барча совринларни қўлга киритган даврда, балки ундан олдин ҳам. Мен ҳар доим шу либос учун курашдим, Аргентина терма жамоаси билан сизларга қувонч улашиш ва футбол орқали аргентиналик эканингиздан фахрланишингизга сабаб бўлиш учун бор кучимни сарфладим.

Жуда оз вақт қолди. Айрим боблар якунига етмоқда ва бу бобни ёпиш мен учун жуда оғриқли. Мен миллий терма жамоада ўтказган вақтимни севдим ва доимо севиб қоламан. Бор кучимни бердим. Энди берадиган бошқа нарсам қолмади. Қолаверса, ортимдан терма жамоа сафида ўйнашга муносиб бўлган ажойиб ёш футболчилар етишиб келмоқда.

Сўнгги 20 йил давомида менга берган меҳрингиз учун раҳмат. Буни жуда соғинаман.

Аргентиналик бўлиб туғилганим учун Худога шукр қиламан. Олға, Аргентина!», — деб ёзди Месси.