«Arsenal»ning yangi futbolchisi Ezri Konsa Angliya Premyer-ligasining 2-turida «Aston Villa»ga qarshi uchrashuvda yangi jamoasi safida debyut qildi.
28 yoshli futbolchi uchun bu debyut o‘ziga xos ahamiyat kasb etdi, chunki u maydonga juda yaxshi tanish bo‘lgan «Villa Park» stadionida tushdi. Konsa Birmingem klubi safida yetti yil davomida to‘p tepgan.
U 79-daqiqada zaxiradan maydonga tushdi.
«Debyut uchun alohida joy va jamoa uchun juda muhim g‘alaba. Iliq kutib olganingiz uchun rahmat», — deb yozdi Konsa ijtimoiy tarmoqdagi sahifasida.
«Arsenal» Ezri Konsani 21 avgust kuni «Aston Villa»dan xarid qilgan edi. Transfer qiymati qariyb 60 million yevro deb baholanmoqda.
Mikel Arteta boshchiligidagi «Arsenal» yangi APL mavsumining dastlabki ikki turidan keyin 6 ochko jamg‘argan.
