«Liverpul» yarim himoyachi Stefan Baychetichning «Selta»ga doimiy ravishda o‘tganini e’lon qildi.
21 yoshli futbolchi ispan klubi safiga erkin agent sifatida qo‘shildi.
«Liverpul» uning keyingi transferidan ulush olish huquqini o‘zida saqlab qoldi. Baychetich «Selta» bilan 2029 yil iyuniga qadar shartnoma imzoladi.
2024/25 mavsumida Stefan dastlab «Red Bull», keyin esa «Las-Palmas» safida ijara asosida o‘ynadi. Ispaniya klubi tarkibida og‘ir jarohat olgan va o‘tgan mavsumni to‘liq o‘tkazib yuborgan.
Baychetich 2021 yil fevral oyida «Selta»dan «Liverpul»ga ko‘chib o‘tgan edi. Shundan buyon «qizillar»ning asosiy jamoasi safida 22 ta uchrashuvda maydonga tushib, 1 ta gol urgan.
