«Arsenal» bosh murabbiyi Mikel Arteta APLda murabbiy sifatida jami 250 ta o‘yindan iborat ko‘rsatkichga yetdi. Ispaniyalik mutaxassis chempionatda futbolchi sifatida 284 ta uchrashuvda maydonga tushgan.

Arteta uchun «kanonirlar» bosh murabbiyi sifatidagi 250-o‘yin APLning 2-turida «Aston Villa»ga qarshi bahsga to‘g‘ri keldi.

44 yoshli mutaxassis bu natijaga erishgan ikkinchi inson bo‘ldi. Undan avval bunday ko‘rsatkichga Mark Xyuz erishgan — u Angliya chempionatida futbolchi sifatida 297 ta o‘yin o‘tkazgan va 466 ta uchrashuvda jamoa boshqargan.