Juan Jezus «Venesiya» klubiga erkin agent sifatida qo‘shildi.

35 yoshli himoyachi «Venesiya» bilan 2026/27 yilgi mavsum oxiriga qadar shartnoma imzoladi. Bitimda muayyan shartlar bajarilgan taqdirda shartnomani yana bir yilga uzaytirish imkoniyati ham ko‘zda tutilgan.

Braziliyalik futbolchi iyul oyida «Napoli»ni tark etib, erkin agentga aylangan edi. Italiyada Jezus «Inter» va «Roma» klublarida ham to‘p tepgan.

U A Seriyada jami 280 ta uchrashuv o‘tkazib, 5 ta gol urgan va 2 ta golli uzatma amalga oshirgan.