«Lasio» hujumchisi Bulaye Dia Fransiyaning «Renn» klubiga o‘tishga rozilik oldi.
29 yoshli senegallik futbolchi yangi jamoasiga ijara asosida qo‘shiladi, kelishuvda uning transferini majburiy sotib olish bandi ham mavjud.
Transferning umumiy qiymati taxminan 10 million yevroni tashkil qilishi kutilmoqda. Kelishuvni rasmiylashtirish uchun Dia yaqin vaqt ichida Fransiyada tibbiy ko‘rikdan o‘tadi.
Dia 2024 yilda «Salernitana»dan «Lasio»ga ko‘chib o‘tgan va Rim klubi safida 81 ta o‘yinda 14 ta gol hamda 6 ta golli uzatma qayd etgan.
Shu tariqa, Dia faoliyatini yana Fransiya chempionatida davom ettiradi. U avval «Reyms» safida Liga 1da to‘p tepgan.
«Lasio» esa uning o‘rniga yangi hujumchi izlamoqda va PSV futbolchisi Dennis Manni jamoaga jalb qilish variantlarini ko‘rib chiqmoqda.
