«Лацио» ҳужумчиси Булайе Диа Франциянинг «Ренн» клубига ўтишга розилик олди.
29 ёшли сенегаллик футболчи янги жамоасига ижара асосида қўшилади, келишувда унинг трансферини мажбурий сотиб олиш банди ҳам мавжуд.
Трансфернинг умумий қиймати тахминан 10 миллион еврони ташкил қилиши кутилмоқда. Келишувни расмийлаштириш учун Диа яқин вақт ичида Францияда тиббий кўрикдан ўтади.
Диа 2024 йилда «Салернитана»дан «Лацио»га кўчиб ўтган ва Рим клуби сафида 81 та ўйинда 14 та гол ҳамда 6 та голли узатма қайд этган.
Шу тариқа, Диа фаолиятини яна Франция чемпионатида давом эттиради. У аввал «Реймс» сафида Лига 1да тўп тепган.
«Лацио» эса унинг ўрнига янги ҳужумчи изламоқда ва ПСВ футболчиси Деннис Манни жамоага жалб қилиш вариантларини кўриб чиқмоқда.
