Ispaniyalik hujumchi Mark Giu Londonning «Chelsi» klubidan «RB Leypsig»ga o‘tdi. Bu haqda Germaniya klubi matbuot xizmati xabar berdi.

20 yoshli Giu «RB Leypsig» bilan 2031 yilgacha mo‘ljallangan shartnoma imzoladi. Yangi klubida hujumchi 9-raqamda to‘p suradi.

«„RB Leypsig“ga o‘tish men uchun to‘g‘ri qadam. Bu klubda yosh futbolchilar rivojlanadi. Shu bilan birga, „RB Leypsig“ oldiga eng yuqori maqsadlarni qo‘yadigan ambisiyali klub», — dedi Giu klub matbuot xizmatiga.

Ma’lumotlarga ko‘ra, nemis klubi Giu transferi uchun 17 million yevro to‘lagan.

Ispaniyalik futbolchi 2024 yildan buyon «Chelsi»da o‘ynab kelayotgan edi. Shu vaqt davomida u barcha turnirlarda 29 ta uchrashuvda ishtirok etib, 8 ta gol urdi va 2 ta golli uzatma amalga oshirdi.