Diario Sport ma’lumotiga ko‘ra, «Barselona» sport direktori Deku «Tvente» himoyachisi Ruud Niystad uchun 8 million yevro miqdorida taklif kiritgan.

18 yoshli markaziy himoyachi transfer oynasining so‘nggi kunida kataloniyaliklarning aniq maqsadlaridan biriga aylangan. «Ko‘k-anorranglilar» Alvaro Kortesning «Royal Antverpen»ga o‘tishi kutilgani sabab himoya chizig‘ini kuchaytirishni rejalashtirmoqda.

«Tvente» Niystadni 10 million yevroga baholamoqda. «Barselona» esa ayni paytda ikki klub o‘rtasidagi 2 million yevrolik farqni bartaraf etish ustida ishlamoqda.

Erediviziyaning eng istiqbolli yosh futbolchilaridan biri sifatida qaralayotgan Niystadning o‘zi ham «Kamp Nou»ga ko‘chib o‘tishni istamoqda.

U «Barselona» himoya chizig‘ida Jerard Marin uchun munosib zaxira varianti bo‘lishi mumkin.