Diario Sport маълумотига кўра, «Барселона» спорт директори Деку «Твенте» ҳимоячиси Рууд Нийстад учун 8 миллион евро миқдорида таклиф киритган.

18 ёшли марказий ҳимоячи трансфер ойнасининг сўнгги кунида каталонияликларнинг аниқ мақсадларидан бирига айланган. «Кўк-анорранглилар» Альваро Кортеснинг «Роял Антверпен»га ўтиши кутилгани сабаб ҳимоя чизиғини кучайтиришни режалаштирмоқда.

«Твенте» Нийстадни 10 миллион еврога баҳоламоқда. «Барселона» эса айни пайтда икки клуб ўртасидаги 2 миллион евролик фарқни бартараф этиш устида ишламоқда.

Эредивизиянинг энг истиқболли ёш футболчиларидан бири сифатида қаралаётган Нийстаднинг ўзи ҳам «Камп Ноу»га кўчиб ўтишни истамоқда.

У «Барселона» ҳимоя чизиғида Жерард Марин учун муносиб захира варианти бўлиши мумкин.