"Bavariya" transfer oynasi yopilishidan oldin o‘ng qanot himoyachisi Sasha Boeyning ehtimoliy transferi bo‘yicha muzokaralar olib bormoqda. Angliya Premyer-ligasi vakili "Fulxem" so‘nggi daqiqalarda futbolchiga qiziqish bildirgan.

So‘nggi kunlarda "Bavariya" Boey endi klub rejalariga kirmasligini aniq ko‘rsatdi. Bu pozisiya ham klub ichida, ham jamoatchilikka ochiq tarzda bildirilgan, ammo hozirga qadar futbolchi uchun xaridor topilmagan edi.

Transferlar bo‘yicha jurnalist Matteo Moretto ma’lumotiga ko‘ra, "Fulxem" 25 yoshli fransiyalik futbolchini transfer oynasi yopilishi arafasida o‘z safiga qo‘shib olishni rejalashtirmoqda.

Hozircha muzokaralar qay darajada ilgarilagani ma’lum emas. Biroq Angliya klubi "Rayo Valyekano" himoyachisi Andrey Rasiu bo‘yicha muzokaralar tobora murakkablashib borganidan so‘ng, asosiy e’tiborini Boeyga qaratgani xabar qilinmoqda.