«Barselona» yarim himoyachisi Mark Kasado transfer oynasi yopilishidan oldin «Deportivo» safiga o‘tishi mumkin.

Klublar 22 yoshli futbolchining ijarasi bo‘yicha muzokaralarni davom ettirmoqda. Jurnalist Ferran Martines ma’lumotiga ko‘ra, «oq-ko‘klar» yarim himoyachini mavsum oxiriga qadar keyinchalik sotib olish huquqisiz ijaraga olmoqchi.

Biroq Kataloniya klubi bitimga futbolchining muayyan natijalarga erishishi bilan kuchga kiradigan majburiy sotib olish bandini kiritishni talab qilmoqda.

Mark Kasadoning «Barselona» bilan amaldagi shartnomasi 2028 yilga qadar mo‘ljallangan.

Ispaniyalik futbolchi «ko‘k-anorranglilar» asosiy jamoasi safida 75 ta o‘yin o‘tkazib, 1 ta gol urgan va 7 ta golli uzatmani amalga oshirgan.