«Барселона» ярим ҳимоячиси Марк Касадо трансфер ойнаси ёпилишидан олдин «Депортиво» сафига ўтиши мумкин.

Клублар 22 ёшли футболчининг ижараси бўйича музокараларни давом эттирмоқда. Журналист Ферран Мартинес маълумотига кўра, «оқ-кўклар» ярим ҳимоячини мавсум охирига қадар кейинчалик сотиб олиш ҳуқуқисиз ижарага олмоқчи.

Бироқ Каталония клуби битимга футболчининг муайян натижаларга эришиши билан кучга кирадиган мажбурий сотиб олиш бандини киритишни талаб қилмоқда.

Марк Касадонинг «Барселона» билан амалдаги шартномаси 2028 йилга қадар мўлжалланган.

Испаниялик футболчи «кўк-анорранглилар» асосий жамоаси сафида 75 та ўйин ўтказиб, 1 та гол урган ва 7 та голли узатмани амалга оширган.