Madridning «Real» klubi futbolchisi Manuel Anxel «Fulxem» safiga o‘tdi.

«Dala hovli egalari» 22 yoshli yarim himoyachi bilan shartnoma imzolaganini rasmiy sayti orqali tasdiqladi. Ispaniyalik futbolchining London klubi bilan kelishuvi 2029 yilning o‘rtalariga qadar mo‘ljallangan. Shuningdek, shartnomani yana bir yilga avtomatik tarzda uzaytirish imkoniyati ham ko‘zda tutilgan.

Manuel Anxel «Real»ning asosiy jamoasi safida 7 ta o‘yin o‘tkazgan. «Qaymoqranglilar»ning ikkinchi jamoasi tarkibida esa 85 ta uchrashuvda maydonga tushib, 3 ta gol urgan va 3 ta golli uzatmani amalga oshirgan.

Angliyada u Madridda birga ishlagan murabbiy Alvaro Arbeloa bilan yana bir jamoada faoliyat olib boradi.