1 sentyabr, seshanba kuni Germaniya kubogi doirasida «Gamburg Aymsbyuttel» Dortmundning «Borussiya» klubini qabul qildi.
Mehmonlar uchrashuvda jiddiy qiyinchilikka duch kelmadi va raqib darvozasiga javobsiz beshta gol urdi.
«Borussiya» o‘yin boshidanoq tashabbusni o‘z qo‘liga oldi va faol hujum qildi. 34-daqiqada Yanek Vrede o‘z darvozasiga gol urib qo‘ydi. Oradan ikki daqiqa o‘tib, Daniel Svensson Yulian Ryuersonning uzatmasidan so‘ng hisobni 2:0 ko‘rinishiga keltirdi.
Keyin Samuele Inasio o‘zini ko‘rsatib, ushbu uchrashuvda dubl qayd etdi. Bahsga yakuniy nuqtani esa 59-daqiqada Fabiu Silva qo‘ydi.
Shu tariqa, Dortmundning «Borussiya» klubi Germaniya kubogida 5:0 hisobida ishonchli g‘alabaga erishdi.
