1 сентябрь, сешанба куни Германия кубоги доирасида «Гамбург Аймсбюттель» Дортмунднинг «Боруссия» клубини қабул қилди.
Меҳмонлар учрашувда жиддий қийинчиликка дуч келмади ва рақиб дарвозасига жавобсиз бешта гол урди.
«Боруссия» ўйин бошиданоқ ташаббусни ўз қўлига олди ва фаол ҳужум қилди. 34-дақиқада Янек Вреде ўз дарвозасига гол уриб қўйди. Орадан икки дақиқа ўтиб, Даниэль Свенссон Юлиан Рюэрсоннинг узатмасидан сўнг ҳисобни 2:0 кўринишига келтирди.
Кейин Самуэле Инасио ўзини кўрсатиб, ушбу учрашувда дубль қайд этди. Баҳсга якуний нуқтани эса 59-дақиқада Фабиу Силва қўйди.
Шу тариқа, Дортмунднинг «Боруссия» клуби Германия кубогида 5:0 ҳисобида ишончли ғалабага эришди.
