«Shtutgart»ning sobiq himoyachisi Borna Sosa «Kyoln» safiga o‘tdi.

Goal ma’lumotiga ko‘ra, 28 yoshli xorvatiyalik futbolchi «Kristal Pelas»dan 2026/27 yilgi mavsum oxiriga qadar ijara asosida olingan.

Kelishuvda futbolchini keyinchalik sotib olish huquqi ko‘zda tutilmagan.

O‘tgan mavsumda Sosa Angliya klubi safida barcha musobaqalar doirasida 18 ta o‘yin o‘tkazib, jami 842 daqiqa maydonda harakat qildi.

Himoyachi 2018 yildan 2023 yilga qadar «Shtutgart» sharafini himoya qilgan. U Germaniya klubi safida 115 ta o‘yinda maydonga tushib, 5 ta gol urgan va 35 ta golli uzatmani amalga oshirgan.

Transfermarkt portali ma’lumotiga ko‘ra, Sosaning bozor qiymati 3 million yevroni tashkil etadi. U faoliyati davomida «Ayaks» va «Torino» klublarida ham to‘p surgan.

Borna Sosa Xorvatiya milliy terma jamoasi safida 27 ta o‘yin o‘tkazib, 2 ta gol urgan.