«Штутгарт»нинг собиқ ҳимоячиси Борна Соса «Кёльн» сафига ўтди.

Goal маълумотига кўра, 28 ёшли хорватиялик футболчи «Кристал Пэлас»дан 2026/27 йилги мавсум охирига қадар ижара асосида олинган.

Келишувда футболчини кейинчалик сотиб олиш ҳуқуқи кўзда тутилмаган.

Ўтган мавсумда Соса Англия клуби сафида барча мусобақалар доирасида 18 та ўйин ўтказиб, жами 842 дақиқа майдонда ҳаракат қилди.

Ҳимоячи 2018 йилдан 2023 йилга қадар «Штутгарт» шарафини ҳимоя қилган. У Германия клуби сафида 115 та ўйинда майдонга тушиб, 5 та гол урган ва 35 та голли узатмани амалга оширган.

Transfermarkt портали маълумотига кўра, Сосанинг бозор қиймати 3 миллион еврони ташкил этади. У фаолияти давомида «Аякс» ва «Торино» клубларида ҳам тўп сурган.

Борна Соса Хорватия миллий терма жамоаси сафида 27 та ўйин ўтказиб, 2 та гол урган.