«Lion» hujumkor yarim himoyachisi Malik Fofana faoliyatini Angliya Premyer-ligasida davom ettiradi.

21 yoshli belgiyalik vinger «Sanderlend» safiga qo‘shildi. Bu haqda klub matbuot xizmati rasman ma’lum qildi.

Tomonlar uzoq muddatli shartnoma imzolagan. Transfermarkt portali ma’lumotiga ko‘ra, transfer qiymati 30 million yevroni tashkil etgan.

O‘tgan mavsumda Fofana Fransiya chempionatida 12 ta o‘yinda maydonga tushib, 2 ta gol urdi va 1 ta golli uzatmani amalga oshirdi.

Angliya chempionatining dastlabki ikki turidan keyin «Sanderlend» 3 ochko jamg‘arib, turnir jadvalida 11-o‘rinni egallab turibdi.