Kendri Paes «Chelsi»da qoladi. Bu haqda BBC jurnalisti Nizaar Kinsella xabar berdi.

Ma’lumotga ko‘ra, «River Pleyt» 19 yoshli ekvadorlik futbolchining ijara shartnomasini muddatidan oldin bekor qilgan. Shundan so‘ng «Chelsi» Paes uchun yangi ijara variantini topishga harakat qildi.

Biroq Dario Essugoning «Strasbur»ga o‘tishi ortidan klub xalqaro ijara limitini to‘liq ishlatib bo‘lgan. Shu sababli londonliklar Paesni faqat Angliya ichidagi klublardan biriga ijaraga berish imkoniyatiga ega edi.

Yakunda futbolchi uchun munosib variant topilmadi.

Paes avval «Strasbur» va «River Pleyt»da ketma-ket ijara asosida o‘ynagan, ammo har ikki jamoada ham kutilgan darajada taassurot qoldira olmagan.

Endi Ekvador terma jamoasi futbolchisi «Chelsi»da qoladi. Unga bosh murabbiy Xabi Alonso asosiy jamoada imkoniyat beradimi yoki yo‘qmi — hozircha noma’lum.