«Yuventus» hujumchisi Edon Jegrovani Saudiya Arabistoni klubiga sotish umidini saqlab qolmoqda, deya xabar bermoqda Talk Juve.

Italiya klubi futbolchini Yevropa transfer oynasi yopilganidan keyin ham transfer oynasi ochiq bo‘lgan chempionatlardan biriga sotishi mumkin.

Tuttomercatoweb ma’lumotiga ko‘ra, Jegrovaga Saudiya Arabistonining «Al-Ittihod» klubi qiziqish bildirmoqda. Kosovolik futbolchi «Yuventus»da bu mavsum asosiy tarkibda kam o‘ynashi mumkinligini tushungani bois jamoani tark etishga tayyor.

Shuningdek, Saudiya klubida yuqori maosh olish imkoniyati ham Jegrovaning transferga rozi bo‘lishiga turtki bermoqda. «Yuventus» esa munosib taklif tushsa, 27 yoshli futbolchi bilan xayrlashib, tarkibda joy bo‘shatishni istamoqda.