«Bavariya» Germaniya kubogi birinchi bosqichidan o‘rin olgan safar uchrashuvida «Osnabryuk»ni 4:1 hisobida mag‘lub etdi.

Uchrashuvda hisobni mezbonlar ochdi. 5-daqiqada Robin Mayssner gol urdi. Birinchi bo‘lim davomida myunxenliklar safida Xarri Keyn va Tom Bishof to‘p kiritib, jamoasini oldinga olib chiqdi.

Ikkinchi bo‘limda Keyn penaltini aniq amalga oshirib, dubl qayd etdi. «Bavariya»ning yana bir goliga Maykl Olise mualliflik qildi.

«Osnabryuk» 2025/26 yilgi mavsum yakunlariga ko‘ra Ikkinchi Bundesligaga yo‘llanma olgan edi.

Shu tariqa, «Bavariya» Germaniya kubogining ikkinchi bosqichiga chiqdi. Myunxenliklarning keyingi raqibi qur’a tashlash marosimidan so‘ng ma’lum bo‘ladi.