«Bavariya»ning sobiq futbolchisi Ditmar Xamann Xarri Keyn Bundesligada bir mavsumda eng ko‘p gol urish bo‘yicha Robert Levandovskiga tegishli rekordni yangilashni maqsad qilgan, deb hisoblaydi.
Levandovski 2020/21 yilgi mavsumda «Bavariya» safida Bundesligada 41 ta gol urib, yangi rekord o‘rnatgan edi.
«U bunga qodirmi? Menimcha, ha», — dedi Xamann beIN Sports nashriga.
Levandovskining natijasi Gerd Myullerning mashhur rekordidan atigi bitta golga ko‘p. Germaniya futboli afsonasi 1970/71 yilgi mavsumda Bundesligada 40 ta gol urgan edi.
Shu sababli Keyn yangi rekord o‘rnatishi uchun har ikki afsonaviy hujumchining natijasidan o‘tishi kerak bo‘ladi.
Angliyalik forvardning Bundesligada bir mavsumdagi eng yaxshi ko‘rsatkichi hozircha 36 ta golni tashkil etadi. Keyn «Bavariya» safiga 2023 yilda kelib qo‘shilgan.
