Paragvay terma jamoasi darvozaboni Orlando Xil 2026 yilgi jahon chempionatida Fransiya hujumchisi Kilian Mbappe bilan yuz bergan mojaroni esladi.
Jahon chempionatining 1/8 finalida Fransiya Paragvayni 1:0 hisobida mag‘lub etgan edi. Uchrashuvdagi yagona golni Kilian Mbappe 70-daqiqada penaltidan urgan.
O‘yindan keyin Xil va Mbappe o‘rtasida kelishmovchilik yuzaga kelgan. Fransiyalik forvard darvozabonning qo‘l uzatishiga javob bermagan, shundan keyin Xil to‘pni uning orqasiga qarab otgan.
Avgust oyi oxirida Orlando Xil «Lill»ga o‘tdi va Kilianning ukasi Etan Mbappe bilan jamoadosh bo‘ldi.
«Men juda maqsadga intiluvchan futbolchiman va mag‘lub bo‘lishni yoqtirmayman. Ba’zida o‘ylab o‘tirmasdan qandaydir ish qilib qo‘yamiz. Keyinchalik bu haqda o‘ylab, uzr so‘radim. Bu mening xarakterimga xos emas va endi bu voqea o‘tmishda qoldi.
Men hatto Etan Mbappedan ham uzr so‘radim, chunki aslida men bunday inson emasman. Bunday qilmishlar meni ifodalamaydi. Etan bilan munosabatlarimiz yaxshi. U ham Kilian kabi ajoyib futbolchi va haqiqiy professional», — dedi Xil RMC Sport nashriga.
