Парагвай терма жамоаси дарвозабони Орландо Хиль 2026 йилги жаҳон чемпионатида Франция ҳужумчиси Килиан Мбаппе билан юз берган можарони эслади.
Жаҳон чемпионатининг 1/8 финалида Франция Парагвайни 1:0 ҳисобида мағлуб этган эди. Учрашувдаги ягона голни Килиан Мбаппе 70-дақиқада пенальтидан урган.
Ўйиндан кейин Хиль ва Мбаппе ўртасида келишмовчилик юзага келган. Франциялик форвард дарвозабоннинг қўл узатишига жавоб бермаган, шундан кейин Хиль тўпни унинг орқасига қараб отган.
Август ойи охирида Орландо Хиль «Лилль»га ўтди ва Килианнинг укаси Этан Мбаппе билан жамоадош бўлди.
«Мен жуда мақсадга интилувчан футболчиман ва мағлуб бўлишни ёқтирмайман. Баъзида ўйлаб ўтирмасдан қандайдир иш қилиб қўямиз. Кейинчалик бу ҳақда ўйлаб, узр сўрадим. Бу менинг характеримга хос эмас ва энди бу воқеа ўтмишда қолди.
Мен ҳатто Этан Мбаппедан ҳам узр сўрадим, чунки аслида мен бундай инсон эмасман. Бундай қилмишлар мени ифодаламайди. Этан билан муносабатларимиз яхши. У ҳам Килиан каби ажойиб футболчи ва ҳақиқий профессионал», — деди Хиль RMC Sport нашрига.
