O‘zbekiston Superligasida avgust oyining eng yaxshi futbolchisi nomi "So‘g‘diyona" hujumchisi Lyupcho Doriyevga nasib etdi. Liga platformalarida e’lon qilingan natijalarga ko‘ra, shimoliy makedoniyalik futbolchi oy davomida ko‘rsatgan samarali o‘yini orqali bu sovringa loyiq ko‘rildi. Bu haqda mahalliy sport nashrlari ham xabar tarqatdi. "So‘g‘diyona" futbolchisi avgust oyida 5 ta gol va 3 ta assist qayd etgani ta’kidlangan.

Doriyev avgust oyida jamoasining hujum chizig‘ida asosiy kuchlardan biriga aylandi. Uning sermahsul o‘yini "So‘g‘diyona"ning bir qator muhim ochkolar jamg‘arishiga yordam berdi. Ayniqsa, avgust boshida "Mash’al"ga qarshi uchrashuvda het-trik qayd etgani uning oy davomidagi eng yorqin o‘yinlaridan biri bo‘ldi.

Sovrin uchun kurashda Doriyevdan tashqari "Navbahor" forvardi Husayn Norchayev, "Lokomotiv" vakili Suhrob Nurulloyev, "Buxoro" futbolchisi Vladimir Rodich va "Neftchi" yarimhimoyachisi Vladimir Yovovich ham nomzodlar safidan joy olgandi. Norchayev 5 o‘yinda 6 gol urgan, Nurulloyev 2 gol va 2 assist, Rodich 3 gol va 1 assist, Yovovich esa 5 assist bilan e’tibor qaratgan.