«Monako» rahbariyati yarim himoyachi Aleksandr Golovinning boshqa klubga transferini yaqin kunlarda yakunlashni xohlamoqda. Bu haqda Nice-Matin xabar berdi.
Nashr ma’lumotiga ko‘ra, Rossiya terma jamoasining 30 yoshli futbolchisi RPLning «Zenit» yoki «Spartak» klublaridan biriga o‘tishi mumkin. «Monako» futbolchi transferidan 20–25 million yevro ishlab olishni rejalashtirmoqda. Klub transferni 10 sentyabrga qadar yakunlamoqchi.
Golovin 2018 yil yozida SSKAdan «Monako»ga o‘tgan. 2025/26 mavsumda yarim himoyachi 35 ta o‘yinda 5 ta gol urdi va 6 ta golli uzatma amalga oshirdi. Uning klub bilan amaldagi shartnomasi 2029 yil 30 iyungacha mo‘ljallangan.
Transfermarkt futbolchining qiymatini 18 million yevroga baholamoqda.
