«Монако» раҳбарияти ярим ҳимоячи Александр Головиннинг бошқа клубга трансферини яқин кунларда якунлашни хоҳламоқда. Бу ҳақда Nice-Matin хабар берди.

Нашр маълумотига кўра, Россия терма жамоасининг 30 ёшли футболчиси РПЛнинг «Зенит» ёки «Спартак» клубларидан бирига ўтиши мумкин. «Монако» футболчи трансферидан 20–25 миллион евро ишлаб олишни режалаштирмоқда. Клуб трансферни 10 сентябрга қадар якунламоқчи.

Головин 2018 йил ёзида ЦСКАдан «Монако»га ўтган. 2025/26 мавсумда ярим ҳимоячи 35 та ўйинда 5 та гол урди ва 6 та голли узатма амалга оширди. Унинг клуб билан амалдаги шартномаси 2029 йил 30 июнгача мўлжалланган.

Transfermarkt футболчининг қийматини 18 миллион еврога баҳоламоқда.