"Bavariya"ning sobiq afsonaviy futbolchisi Lotar Matteus Jamal Musiala bilan bog‘liq muammolar haqida fikr bildirdi. So‘nggi vaqtlarda futbolchi maydonda ikki marta hushini yo‘qotgan, bundan tashqari, o‘tgan mavsumda ham jarohat sabab uzoq vaqt davolangan edi.
Matteusning fikricha, "Bavariya" bu vaziyatda futbolchiga nisbatan juda to‘g‘ri va munosib munosabatda bo‘lmoqda.
"Klub bu haqda olti, yetti, hatto sakkiz oydan beri bilardi. Faqat prezident va shifokorgina emas, balki butun jamoa bu vaziyatdan xabardor edi. Shunga qaramay, hech kim bir og‘iz ham gapirmadi.
Bu jamoaning nafaqat maydonda, balki uning tashqarisida ham qanchalik birdam ekanini ko‘rsatadi. Ular bunday vaziyatni juda uyushqoq va to‘g‘ri tarzda hal qilgani uchun menda ularga nisbatan katta hurmat paydo bo‘ldi.
Faqat shuni ayta olaman: "Bavariya" oldida ta’zim qilish kerak", — dedi Matteus.
Eslatib o‘tamiz, "Bembi" laqabi bilan tanilgan Jamal Musiala 2020 yildan buyon "Bavariya" sharafini himoya qilib kelmoqda.
