"Бавария"нинг собиқ афсонавий футболчиси Лотар Маттеус Жамал Мусиала билан боғлиқ муаммолар ҳақида фикр билдирди. Сўнгги вақтларда футболчи майдонда икки марта ҳушини йўқотган, бундан ташқари, ўтган мавсумда ҳам жароҳат сабаб узоқ вақт даволанган эди.
Маттеуснинг фикрича, "Бавария" бу вазиятда футболчига нисбатан жуда тўғри ва муносиб муносабатда бўлмоқда.
"Клуб бу ҳақда олти, етти, ҳатто саккиз ойдан бери биларди. Фақат президент ва шифокоргина эмас, балки бутун жамоа бу вазиятдан хабардор эди. Шунга қарамай, ҳеч ким бир оғиз ҳам гапирмади.
Бу жамоанинг нафақат майдонда, балки унинг ташқарисида ҳам қанчалик бирдам эканини кўрсатади. Улар бундай вазиятни жуда уюшқоқ ва тўғри тарзда ҳал қилгани учун менда уларга нисбатан катта ҳурмат пайдо бўлди.
Фақат шуни айта оламан: "Бавария" олдида таъзим қилиш керак", — деди Маттеус.
Эслатиб ўтамиз, "Бэмби" лақаби билан танилган Жамал Мусиала 2020 йилдан буён "Бавария" шарафини ҳимоя қилиб келмоқда.
