«Xall Siti» yangi futbolchisi Robinio Vazga ijtimoiy tarmoqlarda yo‘llangan irqchilik mazmunidagi haqoratlarni keskin qoraladi.

19 yoshli fransiyalik hujumchi transfer oynasining so‘nggi kuni «Roma»dan «Xall Siti»ga bir mavsumlik ijara asosida o‘tgan.

Uning transferi e’lon qilinganidan so‘ng ijtimoiy tarmoqlarda futbolchiga nisbatan irqchilik va haqoratomuz izohlar qoldirilgan. «Xall Siti» Vazni qo‘llab-quvvatlashini bildirdi.

Klub ushbu holat yuzasidan Premyer-liga, irqchilikka qarshi Kick It Out tashkiloti va ijtimoiy tarmoq platformalari bilan aloqaga chiqqanini ma’lum qildi.

Shuningdek, «Xall Siti» polisiya bilan hamkorlikda haqoratli xabarlarni yozgan shaxslarni aniqlash va ularga nisbatan chora ko‘rish choralarini ko‘rmoqda.