«Халл Сити» янги футболчиси Робинио Вазга ижтимоий тармоқларда йўлланган ирқчилик мазмунидаги ҳақоратларни кескин қоралади.
19 ёшли франциялик ҳужумчи трансфер ойнасининг сўнгги куни «Рома»дан «Халл Сити»га бир мавсумлик ижара асосида ўтган.
Унинг трансфери эълон қилинганидан сўнг ижтимоий тармоқларда футболчига нисбатан ирқчилик ва ҳақоратомуз изоҳлар қолдирилган. «Халл Сити» Вазни қўллаб-қувватлашини билдирди.
Клуб ушбу ҳолат юзасидан Премьер-лига, ирқчиликка қарши Kick It Out ташкилоти ва ижтимоий тармоқ платформалари билан алоқага чиққанини маълум қилди.
Шунингдек, «Халл Сити» полиция билан ҳамкорликда ҳақоратли хабарларни ёзган шахсларни аниқлаш ва уларга нисбатан чора кўриш чораларини кўрмоқда.
