«Chelsi» himoyachisi Yorrel Xato Angliya Premyer-ligasining 3-turida «Arsenal»ga qarshi bo‘lajak o‘yin haqida fikr bildirdi.
Uchrashuv 6 sentyabr, yakshanba kuni «Emireyts» stadionida bo‘lib o‘tadi.
«“Arsenal”ga qarshi o‘yin — jiddiy sinov, ammo “Fulxem” va “Brayton” bilan uchrashuvlar ham oson kechmagan. Bizga kuchli raqiblar qarshi turdi, ammo ikki marta g‘alaba qozona oldik. Shuning uchun endi navbatdagi chaqiriqni intiqlik bilan kutyapmiz», — deya Xatoning so‘zlarini «Chelsi» matbuot xizmati keltirdi.
London derbisi Toshkent vaqti bilan soat 20:30 da boshlanadi. Har ikki jamoa ham 6 ochko bilan ushbu bahsga yetib kelmoqda.
