«Челси» ҳимоячиси Йоррел Хато Англия Премьер-лигасининг 3-турида «Арсенал»га қарши бўлажак ўйин ҳақида фикр билдирди.
Учрашув 6 сентябрь, якшанба куни «Эмирейтс» стадионида бўлиб ўтади.
«“Арсенал”га қарши ўйин — жиддий синов, аммо “Фулхэм” ва “Брайтон” билан учрашувлар ҳам осон кечмаган. Бизга кучли рақиблар қарши турди, аммо икки марта ғалаба қозона олдик. Шунинг учун энди навбатдаги чақириқни интиқлик билан кутяпмиз», — дея Хатонинг сўзларини «Челси» матбуот хизмати келтирди.
Лондон дербиси Тошкент вақти билан соат 20:30 да бошланади. Ҳар икки жамоа ҳам 6 очко билан ушбу баҳсга етиб келмоқда.
