"Atletiko" hujumchilari Xulian Alvares va Jonatan David jamoaviy mashg‘ulot yakunlanganidan keyin ham maydonda qolib, individual tarzda qo‘shimcha ish olib bordi.
Marca ma’lumotiga ko‘ra, Alvares o‘zining optimal jismoniy holatiga tezroq qaytish maqsadida qo‘shimcha yuklamalar bajardi. Argentinalik futbolchi so‘nggi kunlarda formasini tiklash ustida ishlamoqda. Marca avvalroq ham Alvaresning eng yaxshi holatiga tezroq chiqishi "Atletiko" murabbiylar shtabi oldidagi asosiy vazifalardan biri ekanini qayd etgandi.
Jamoaning yangi hujumchisi Jonatan David esa mashg‘ulotdan so‘ng golli vaziyatlarni yakunlash va zarbalar aniqligini oshirishga qaratilgan mashqlarni bajardi.
Kanadalik forvard yaqinda "Yuventus"dan "Atletiko"ga ijara asosida qo‘shildi. Madridliklar uni keyinchalik sotib olish huquqiga ham ega. David hujum chizig‘ida Alvares va Aleksander Syorlot bilan raqobat olib boradi.
